Այսօր հայկական դրոշի օրն է
Event Details
2006 թվականի հունիսի 15–ին Հայաստանի Հանրապետության Ազգային ժողովն ընդունեց նոր՝ Հայաստանի Հանրապետության պետական դրոշի մասին օրենքը, որից հետո հունիսի 15 –ը համարվեց ՀՀ դրոշի պետական օր: Դրոշը՝ զինանշանի եւ օրհներգի հետ համարվում է ՀՀ պետական խորհրդանիշներից:
Հայաստանի դրոշն ընդունվել է 1990 թվականի օգոստոսի 24–ին, Հայաստանի Հանրապետության Գերագույն խորհրդի կողմից: Այն Հայաստանի առաջին հանրապետության դրոշի կրկնությունն է. ունի երեք հորիզոնական հավասար ուղղանկյան տեսք՝ լայնքի եւ երկայնքի 1:2 հարաբերակցությամբ, վերեւում՝ կարմիր, մեջտեղում՝ կապույտ, ներքեւում՝ նարնջագույն: 2006 թվականի օրենքում դրոշի գույներն ունեն հետեւյալ մեկնաբանությնունը. կարմիրը խորհրդանշում է Հայկական լեռնաշխարհը, հայ ժողովրդի գոյության հարատեւ պայքարը: Կապույտը խորհրդանշում է խաղաղ երկնքի տակ ապրելու հայ ժողովրդի ձգտումը: Նարնջագույնը խորհրդանշում է հայ ժողովրդի ստեղծագործ տաղանդն ու աշխատասիրությունը:
Ի դեպ…
Առաջին Հանրապետության եռագույն դրոշում նարնջագույնի փոխարեն օգտագործվել է դեղինը, քանի որ նարնջագույն կերպաս գտնելը Հայաստանում դժվար է եղել:
Առաջին Հանրապետության դրոշի հեղինկը ՀՀ առաջին վարչապետ Հովհաննես Քաջազնունին է:
Napsat komentář